BMqT-nin Azərbaycandakı nümayəndəliyinin əməkdaşları Lənkəran rayonuna səfər edərək Könüllü Qayıdışa Yardım və Reinteqrasiya (KQYR) layihələri çərçivəsində Almaniyadan könüllü mənşə ölkəsinə qayıtmış şəxsləri reinteqrasiya yardımı ilə təmin etmişdir. Bu layihə çərçivəsində BMqT-nin dəstəyi ilə gəlir gətirən fəaliyyətin qurulması üçün Lənkəran rayonunun Haftoni kəndində bir ailə 21 baş qoyun satın aldı.

BMqT-nin Azərbaycandakı nümayəndəliyi hazırda Niderland Krallığı, Almaniya, Belçika, Polşa, Finlandiya, Türkiyə və Latviyadan könüllü qayıtmış şəxslərə müvafiq reinteqrasiya yardımları göstərir. BMqT-nin Azərbaycan nümayəndəliyi tərəfindən təqdim olunan reinteqrasiya yardımının əsas hissəsi könüllü olaraq qayıdan şəxslərə və onların ailələrinə fayda gətirməyi hədəfləyən gəlir mənbəsinin yaradılması ilə bağlı yardımlardır. KQYR layihələri çərçivəsində qayıdanlara əsasən kiçik biznes fəaliyyətinin qurulması, müvəqqəti mənzil təminatı, maddi yardım, tibbi ehtiyacların və təhsil haqqının ödənilməsi üzrə yardım göstərilmişdir. Qayıdan şəxslər BMqT-nin köməyi ilə kiçik təsərrüfat (heyvandarlıq), xidmət sektoru, ticarət və kiçik istehsal sahələrində sahibkarlıq fəaliyyətlərini qurmuşdurlar.

Media Coverage

REPORT
AZERTAC
AQREQATOR
QHTXEBER
YENIGUNDEM
UNAZERBAIJAN
AZERFORUM