Dekabrın 9-da BMqT-nin Azərbaycan nümayəndəliyi tərəfindən ABŞ-in Beynəlxalq İnkişaf Agentliyinin (USAID) maliyyə dəstəyi ilə həyatat keçirilən “Dayanıqlıq naminə ictimai fəaliyyət” layihəsi üzrə tərəfdaş qurumların nümayəndələrinin iştirakı ilə onlayn görüş keçirilmişdir. Görüşdə Birləşmiş Ştatların ölkəmizdə səfiri Li Litzenberqer, ABŞ-in Beynəlxalq İnkişaf Agentliyinin Missiya direktoru Cey Sinqx, BMqT-nin nümayəndəliyinin rəhbəri Vladimir Qyorqiyev və Azərbaycan İlahiyyat İnstitutunun (Aİİ) rektoru Aqil Şirinov iştirak etdilər.

Görüş zamanı iştirakçılar BMqT və Aİİ arasında ABŞ-in Beynəlxalq İnkişaf Agentliyinin maliyyə dəstəyi ilə icra edilən “Dayanıqlıq naminə ictimai fəaliyyət” layihəsi çərçivəsində həyata keçirilən təşəbüssləri müzakirə etdilər. Müzakirələr zamanı gəncləri və ali təhsil müəssisələri də daxil olmaqla gənclərlə işləyən qurumları əhatə edən təşəbüsslərə xüsusi diqqət yetirilmişdir.

İştirakçılar, gənclərin akademik və fərdi inkişaf imkanlarına, məsələn, AIT tələbələri üçün ingilis dili kursları kimi təşəbüsslərəin genişləndirilməsinin vacibliyini vurğuladılar.

Tərəfdaşlar, mümkün əməkdaşlıq imkanları barədə də fikir mübadiləsi apardılar və yerli dayanıqlılığın artırılmasına daha çox töhfə verəcək birgə səylər üzərində işlərini davam etdirməyə açıq olduqlarını və istəklərini vurğuladılar.

Media Coverage

TREND
NEWSCENTER
XEBERMEDIA
AZERTAC
UNNEWS
ADALET
MOVQE
MANEVR
TEHSILPRESS
RUPOR
AITEDU
MEKTEBGUSHESI