Beynəlxalq Miqrasiya Təşkilatı 100-dən çox ölkədə fəaliyyət göstərən və miqrasiya idarəçiliyini təkmilləşdirmək üçün 175 üzv dövlətə dəstək verən, hamının xeyrinə humanist və nizamlı miqrasiyanı təşviq edən aparıcı hökumətlərarası təşkilatdır. 2019-cu ildə BMqT 30 milyon insana, o cümlədən 23 milyon hərəkətdə olan şəxsə (məcburi köçkünlər, miqrantlar və qaçqınlar) və 7 milyon yerli icma üzvünə dəstək göstərmişdir.

BMqT hamının xeyrinə humanist və nizamlı miqrasiyanın təşviqinə sadiqdir. Təşkilat bunu hökumətlərə və miqrantlara xidmətlər və məsləhətlər verməklə edir.

BMqT miqrasiya məsələləri üzrə beynəlxalq əməkdaşlığı təşviq etmək, miqrasiya problemlərinin praktiki həlli yollarının axtarışına kömək etmək və ehtiyacı olan miqrantlara, o cümlədən qaçqınlara və məcburi köçkünlərə humanitar yardım göstərməklə miqrasiyanın nizamlı və humanist idarə edilməsini təmin etmək üçün çalışır.

BMqT-nin Konstitusiyası miqrasiya ilə iqtisadi, sosial və mədəni inkişaf, habelə hərəkət azadlığı arasında əlaqəni tanıyır.

BMqT miqrasiya idarəçiliyinin dörd geniş sahəsində işləyir: miqrasiya və inkişaf, miqrasiyanın asanlaşdırılması, miqrasiyanın tənzimlənməsi, və məcburi miqrasiyanın həlli. BMqT-nin bu sahələri əhatə edən fəaliyyətlərinə beynəlxalq miqrasiya qanunvericiliyinin, siyasi müzakirələri və təlimatların təşviqi, miqrantların hüquqlarının müdafiəsi, miqrasiya sağlamlığı və miqrasiyanın gender aspektləri daxildir.

Azərbaycanda BMqT hökumət, hökumətlərarası və qeyri-hökumət tərəfdaşları ilə sıx əməkdaşlıq edir.

Fokusumuz

Miqrasiya İdarəçiliyi
Beynəlxalq Əməkdaşlıq