Ermənistan, Azərbaycan və Gürcüstanda insan alverinə qarşı hərtərəfli cavab tədbirlərinin gücləndirilməsi

“Ermənistan, Azərbaycan və Gürcüstanda insan alverinə qarşı hərtərəfli cavab tədbirlərinin gücləndirilməsi” Layihəsi potensialın artırılması, mövcud və potensial qurbanlara müdafiə və yardımın göstərilməsi yolu ilə insan alverinin bütün formalarının azaldılmasına yönəlib.

Daha konkret desək, layihə aşağıdakı məqsədlərə nail olmağa çalışır:

Qurban mərkəzli tədqiqatlar, milli fəaliyyət planının qiymətləndirilməsi və monitorinq mexanizmləri də daxil olmaqla, insan alverinə qarşı mübarizə üçün müvafiq ölkələrdə milli institusional çərçivənin inkişafına dəstək vermək;

• əmək bazarına müdaxilələr vasitəsilə və potensial miqrantları qeyri-qanuni miqrasiya riski və qanuni miqrasiyanın imkanları haqqında məlumatlandırmaq yolu ilə insan alverinin və qeyri-qanuni miqrasiyanın qarşısının alınmasına dəstək vermək;
• insan alveri ilə bağlı cinayət fəaliyyətini aşkar etmək, araşdırmaq və mühakimə etmək üçün müvafiq Hökumətlərə dəstək göstərmək;
• qurbanların reinteqrasiyası da daxil olmaqla, şəxsiyyətin müəyyən edilməsi, istiqamətləndirilməsi, müdafiəsi və yardımının təkmilləşdirilməsi.

Beynəlxalq Əmək Təşkilatı aparıcı qurum kimi tərəfdaşları olan Beynəlxalq Miqrasiya Siyasətinin İnkişafı Mərkəzi, Beynəlxalq Miqrasiya Təşkilatı və Avropada Təhlükəsizlik və Əməkdaşlıq Təşkilatı ilə sıx əməkdaşlıq şəraitində bu iki illik layihəni həyata keçirir.

Layihə Avropa İttifaqı tərəfindən maliyyələşdirilir.