Beynəlxalq Miqrasiya Təşkilatının Azərbaycan nümayəndəliyi ABŞ-in Beynəlxalq İnkişaf Agentliyinin (USAID) maliyyə dəstəyi ilə həyatat keçirilən “Dayanıqlıq naminə ictimai fəaliyyət” layihəsi çərçivəsində yerli qurumlar və ali təhsil müəssisələrinin region gənclərinin təhsil və peşə hazırlığı sahələrindəki fəaliyyətlərini dəstəkləməkdə davam edir. Bu məqsədlə layihə çərçivəsində yerli tərəfdaşlarla işbirliyi şəraitində Gəncə şəhərində fəaliyyət göstərən Azərbaycan Tenxologiya Universitetində “USAID LAB” adlı İT / Kompüter dərsləri üçün mərkəz yaradılmışdır. Labaratoriya 17 ədəd kompüter, eləcə də zəruri mebellər ilə təmin edilərək qurulmuşdur.

Qeyd edək ki, sözü gedən layihə çərçivəsində cari ilin son rübündə Lənkəran Dövlət Universitetində də oxşar “USAID LAB” yaradılaraq tələbələrin istifadəsinə verilmişdir.

COVID-19-un yayılması nəticəsində məsafədən və rəqəmsal platformalarda həyata keçirilən elektron təhsilin yüksəlişi ilə tədris forması kəskin şəkildə dəyişmişdir. Bu baxımdan, adı çəkilən labaratoriyalar pandemiya, eləcə də ondan sonrakı dövrdə universitetlərin onlayn tədris imkanlarını daha da genişləndirəcəkdir. “USAID LAB” ali təhsil ocaqlarının tələbə və müəllim heyəti tərəfindən istifadə ediləcəkdir.

Media Coverage

XEBERMEDIA
REDAKTOR
AZERTAC
UNNEWS
FINANCETIME