“Gender əsaslı zorakılığa qarşı 16 günlük fəallıq” kampaniyası! Noyabrın 25-dən dekabrın 10-dək biz qadın və qızlara qarşı zorakılığın aradan qaldırılması üçün birləşmişik. Bu, kampaniya gender əsaslı zorakılığın insan hüquqlarının əsaslı şəkildə pozulması olduğunu vurğulayan güclü bir xatırlatmadır.

Bu ilki mövzu "QADIN və QIZLARA qarşı zorakılığa SON qoymaq üçün BİRLƏŞƏK!” BMT ailəsinin bir üzvü kimi Beynəlxalq Miqrasiya Təşkilatı da maarifləndirmə, potensial və mövcud qurbanlara dəstək verməyə sadiqdir. Gəlin 2030-cu ilə qədər gender əsaslı zorakılıqdan azad bir dünya üçün fəal şəkildə çalışaq!

BMqT-nin nümayəndələri Mariya Basserman və Anar İskəndərov 30 noyabr tarixində “16 günlük fəallıq” kampaniyası çərçivəsində Masallıda keçirilən maarifləndirici tədbirdə iştirak etdilər. Məqsəd Gender əsaslı qadın və qızlara qarşı zorakılığın haqqında məlumatlılığı artırmaq və yerli icmaları şəxsi və icma səviyyəsində bu problemlə mübarizə üzrə biliklərlə gücləndirməkdir.

Bu həyati işdə bizə qoşulun! Fikirlərinizi, təcrübənizi və həll yollarınızı paylaşın. Birlikdə biz fərq yarada bilərik!