Baku - Ötənilki münaqişə minlərlə ailəni cəbhə xəttinə yaxın kəndlərini tərk etməyə məcbur etdi. Evindən didərgin düşən ailələrin çoxu qohumlarının evinə pənah apardı, digərləri isə məktəb, uşaq bağçası və ya mehmanxana kimi ictimai binalara sığındı. Münaqişə başa çatdıqdan sonra kəndlərinə qayıdanların bir çoxu evlərinin dağıdılmış olduğunu gördülər, lakin heç də hamının evlərini bərpa etmək üçün maddi imkanları var. Avropa İttifaqının Humanitar Yardım təşkilatının maliyyəsi ilə Beynəlxalq Miqrasiya Təşkilatının Azərbaycan nümayəndəliyi tərəfindən həyata keçirilən layihə Anarın ailəsi də daxil olmaqla, münaqişədən zərar çəkmiş ən həssas qrupa daxil olan 1500 nəfərə nağd pul yardımı vasitəsilə yardım edib.

Anarın ailəsi 90-cı illərdə baş verən ilk münaqişə zamanı doğma İlxıçılar kəndini tərk edib. Ötən il münaqişə zamanı üç uşaq atası olan Anar yenə də evini tərk etmək məcburiyyətində qalıb. Onların cəbhə xəttinə yaxın yerləşən yaşayış məntəqəsi atəşə tutulanda Anar bütün ailənin böyük təhlükə altında olduğunu anladı və onları təhlükəsiz yerə aparmaq qərarını verdi. Onlar başqa ailələrlə birlikdə qonşu kəndə yollandılar. “O kənd cəbhə bölgəsindən uzaqda idi və bizim qəsəbədən bir neçə ailə kəndin məktəbində yerləşdi”, deyir Anar.

Ailələr 44 gün məktəbdə yaşayıb və döyüşlər başa çatdıqdan sonra evlərinə qayıdıblar. “Bizim bəxtimiz gətirdi. Evimizə ciddi ziyan dəyməyib, qəlpələr evimizin damına və divarına dəyib, pəncərələri sındırıb”, deyə Anar bildirdi.

Anar evinin pəncərələrini və divarını təmir etmək üçün BMqT-nin Azərbaycan nümayəndəliyinin yardımından istifadə edib. Anar bunun səbəbini belə izah edir: "Qış gəlir. İlk öncə pəncərələri təmir etməli oldum ki, soyuq mövsümdə ailəm evdə yaşaya bilsin”.