29 iyul 2021-ci il tarixində Beynəlxalq Miqrasiya Təşkilatı (BMqT) tərəfindən Azərbaycan Respublikasının Dövlət Miqrasiya Xidməti (DMX) və Xarici İşlər Nazirliyi (XİN) ilə əməkdaşlıqla icra edilən “Azərbaycanda readmissiya idarəçiliyinin gücləndirilməsi” layihəsinin Rəhbər Komitəsinin dördüncü görüşü baş tutmuşdur. Görüş əsasən tələblərin toplanması fəaliyyətinin nəticələrinə həsr olunmuşdur. Tələblərin toplanması Model radmissiya işlərinin idarə edilməsi sistemi (RCMS) platformasını Azərbaycanda readmissiya prosesi və təcrübəsinin spesifik tələb və ehtiyaclarına uyğunlaşdırılması BMqT-nin Azərbaycan nümayəndəliyi tərəfindən cəlb edilmiş yerli İT şirkəti tərəfindən həyata keçirilimişdir. BMqT-nin texniki komandası da öz növbəsində İT şirkəti tərəfindən təsvir olunmuş işlərin cari halını təhlil etmiş və seçilmiş işlərin optimallaşdırılması üçün mümkün həlləri təklif etmişdir.

Layihənin icrasında qarşıda gələn addımlarından biri RCMS istifadəçilərinin təlimi və miqrasiya məlumatlarının idarə edilməsi üzrə təşkil olunacaq seminardır. Görüş zamanı BMqT-nin potensialların gücləndirilməsi üzrə eksperti hal-hazırda EURCAP fondu tərəfindən tərtib edilən və Layihə nəticələrinin dayanıqlılığını təmin edəcək daha geniş təlim modullarını özündə birləşdirən təlim paketini təqdim etmişdir.

Görüşün sonunda Layihə tərəfdaşları bu günə qədər görülən işlərdən məmnun olduqlarını bildirmiş və növbəti İdarə Heyəti görüşü üçün 2021-ci il oktyabr ayının sonunda toplanmağa qərar vermişdirlər.

BMqT, miqrasiya sahəsində aparıcı hökumətlərarası təşkilat olaraq milli hökumətləri “Təhlükəsiz, nizamlı və qanuni miqrasiya üzrə Qlobal Saziş”in 21-ci məqsədində nəzərdə tutulmuş təhlükəsiz və ləyaqətli qayıdışı təmin etmək və əməkdaşlıq etmək öhdəliklərinin icrasında dəstəkləyir. Avropa İttifaqının (Aİ) maliyyə dəstəyi ilə BMqT 2020-ci ilin may ayından bəri “Azərbaycanda readmissiya idarəçiliyinin gücləndirilməsi” layihəsini həyata keçirir. Layihənin əsas hədəfi elektron Model RCMS-in - BMqT tərəfindən hazırlanmış qayıdış və readmissiya prosesini asanlaşdıran və readmissiya işlərinin idarə edilməsində hesabatlılığı və şəffaflığı gücləndirən veb əsaslı, təhlükəsiz və istifadəsi asan bir İT platformasının - Azərbaycanda tətbiq edilməsi və istifadəyə verilməsidir.

Layihənin icrasının gedişini izləmək üçün rübdə bir dəfə olmaqla Rəhbər Komitənin görüşləri keçirilir. Görüş Layihə tərəfdaşlarını, o cümlədən Azərbaycan Respublikası DMX və XİN, Aİ-nın Azərbaycandakı Nümayəndəliyini, BMqT-nin Azərbaycandakı Nümayəndəliyini və BMqT-nin Brüsseldəki Regional Ofisini bir araya gətirir.

Media Coverage

FINANCETIME
NEWSCENTER
UNAZERBAIJAN