Baku - Beynəlxalq Miqrasiya Təşkilatının Azərbaycan nümayəndəliyi Koreya Beynəlxalq Əməkdaşlıq Agentliyinin (KOICA) maliyyə dəstəyi ilə həyata keçirdiyi “Azərbaycanda kəhriz su sistemlərinin bərpası vasitəsilə məcburi köçkünlərin məskunlaşdığı ərazilərdə kənd yerlərinin kompleks inkişafı” layihəsi çərçivəsində Goranboy rayonunun ərazisində yerləşən Ləzgi kəhrizini bərpa edərək yerli icmanın istifadəsinə verdi. Bərpa edilmiş kəhriz Səfikürd kəndində yaşayan 1400 ailəni suvarma suyu ilə təmin edəcəkdir.

Qeyd edək ki, BMqT-nin Azərbaycan nümayəndiliyi, həmçinin rayonun Şəfibəyli kəndi ərazisində yerləşən Şəfibəyli kəhrizinin bərpasını yekunlaşdırmış və bu yaxınlarda əhalinin istifadəsinə veriləcək.

Adı çəkilən layihə ənənəvi və dayanıqlı su təchizatı sistemi olan kəhrizlərin bərpası vasitəsilə region əhalisini təhlükəsiz və davamlı su təminatı məqsədini daşıyır.

Layihənin ümumi məqsədi Azərbaycanda kənd təsərrüfatı icmalarının enerjisiz su təchizatını təmin etməklə kənd təsərrüfatı məhsuldarlığını və yaşayış imkanlarını artırmaqla məcburi iqtisadi miqrasiyanın qarşısının alınmasına töhfə verməkdir. Kəhrizlərin bərpası ilə yanaşı, layihə gender, idarəetmə və ətraf mühitin davamlılığı kimi məsələlərə xüsusi diqqət yetirərək, icma tərəfindən idarə olunan bir yanaşmanı tətbiq etməyə davam edir.

Media Coverage

NEZERMEDIA