Mayın 30-31 tarixləri aralığında BMqT-nin Azərbaycan nümayəndəliyi ABŞ İnkişaf Agentliyi tərəfindən maliyyələşdirilən təşkilatın icra etdiyi İnsan Alverinə Qarşı Mübarizə üzrə Fəaliyyət layihəsi çərçivəsində təşkil olunmuş  insan alveri qurbanlarına və insan alverinə qarşı həssas insanlara yardım edən xidmət təminatçıları üçün Psixi Sağlamlıq mövzusunda iki günlük təlimi uğurla başa vurdu.

Təmiz Dünya-Qadınlara Yardım İctimai Birliyi (İB), Azərbaycan Uşaqlar Birliyi İB, TƏMAS Regional İnkişaf İB, Qadın Təşəbbüsü və Sosial Problemlərə Yardım İB, “Ailə Dünyası” Hüquqi Yardım İB, İnsan alverinə qarşı “Ümid Yelkənləri” İB,  “Etibarlı Gələcək” Sosial Təşəbbüslər İB-dən ümumilikdə 23 iştirakçı təlimdə iştirak etmişdir. Təlim insan alveri qurbanlarına xidmət təminatçılarının potensialını artırmaq, xüsusilə benefisiarlarla işləyən sosial işçilər və psixoloqların psixi sağlamlıq və şəxsi qayğı və stressə davamlılığın əsaslarını başa düşmək məqsədi daşıyırdı.

BMqT tərəfindən 2015-ci ildən etibarən həyata keçirilən USAID-inin maliyyələşdirdiyi İnsan Alverinə Qarşı Mübarizə layihəsi Azərbaycan hökumətinə və QHT-lərə insan alverinin və məcburi əməyin qarşısının alınması və onunla mübarizədə, o cümlədən gender əsaslı zorakılığın aradan qaldırılmasında Azərbaycanın effektivliyini daha da artırmaqda kömək edir. Buraya insan alveri və məcburi əməyin potensial və faktiki qurbanlarına kömək edən sığınacaqlari idarə edən vətəndaş cəmiyyəti təşkilatlarına texniki və maliyyə dəstəyi daxildir.