3 iyun tarixində BMqT-nin nümayəndələri Əmək və Əhalinin Sosial Müdafiəsi Nazirliyinin tabeliyindəki Dövlət Sosial Müdafiə Fondunun (DSMF) rəhbərliyi ilə görüşdülər.

Nümayəndələri salamlayan DSMF-in İdarə Heyətinin sədri Himalay Məmişov Fondun fəaliyyəti, son illərdə sosial təminat sistemində aparılan islahatlar, əhaliyə göstərilən elektron xidmətlər və qarşıdan gələn dövrlər üçün prioritet hədəfləri barədə məlumat verdi.

Elbrus Məmişov çıxışında DSMF-in BMqT-in Azərbaycan nümayəndəliyi ilə insanların rifahının artırılması və sosial təminat sahəsindəki işlər, xüsusən də ölkəyə könüllü olaraq qayıdan Azərbaycan vətəndaşları olan miqrantlar üçün kiçik biznesin yaradılmasına dəstək verilməsi sahəsində, habelə Fondun təklif etdiyi mümkün yardım imkanlarını və hüquqi sənədləri əldə etmək üçün internetə çıxışı olmayan kənd yerlərində insanlar arasında maarifləndirmə fəaliyyəti kimi sahələrdə qarşılıqlı faydalı əməkdaşlıqda maraqlı olduğunu bildirdi.

BMqT-nin Azərbaycan nümayəndəliyinin rəhbəri Vladimir Qyorqiyev, təmsil etdiyi qurumun səlahiyyətlərinə aid miqrasiya, reabilitasiya, həssas icma üzvləri və insan alveri qurbanlarının biznes təşəbbüslərinə dəstək, texniki yardım və qanunvericiliklə bağlı maarifləndirmə fəaliyyətləri kimi sahələrdə DSMF ilə əməkdaşlıq etmək üçün hazır olduqlarını təsdiqlədi.

Görüş sıx əməkdaşlıq şəraitində keçdi, qarşıdakı fəaliyyətlərlə əlaqəli bəzi məsələlərə aydınlıq gətirildi və razılaşdırıldı. Tərəflər qarşılıqlı maraq doğuran məsələlər barədə fikir mübadiləsi apardılar və gələcək təşəbbüslər üzərində işləmək üçün işçi qrupunun yaradılması barədə razılığa gəldilər.

Media Coverage

APA
OLAYLAR
UNAZERBAIJAN
FINANCETIME
AZERTAC
AZERFORUM

XEBERMEDIA
AQREQATOR
SIVIL