17 iyun tarixində BMqT-nin nümayəndələri Əmək və Əhalinin Sosial Müdafiəsi Nazirliyinin tabeliyindəki Sosial Xidmətlər Agentliyinin rəhbərliyi ilə görüşdülər.

Görüşdə Beynəlxalq Miqrasiya Təşkilatının Azərbaycandakı Nümayəndəliyi ilə SXA arasında sosial xidmətlər sahəsində gələcək əməkdaşlıq müzakirə edilib.

Agentliyin İdarə Heyətinin sədri Vüqar Behbudov Azərbaycanda həyata keçirilən və sosial xidmətlərin keyfiyyətinin artırılmasına, ünvanlığının və əlçatanlığının təmin olunmasına, eyni zamanda qabaqcıl beynəlxalq təcrübəyə uyğun qurulmasına yönələn islahatlar haqda qonaqlara məlumat verdi.

BMqT-nin Azərbaycan nümayəndəliyinin rəhbəri Vladimir Qyorqiyev, BMqT-nin məqsəd və fəaliyyətndən, Qurbanlara Yardım Mərkəzi ilə birgə əməkdaşlıq çərçivəində həyata keçirilən layihələrdən bəhs etdi. Sosial Xidmətlər Agentliyinin fəaliyyət istiqamətlərinə uyğun birgə tərəfdaşlıq perspektivlərini diqqətə çatdırıb.

İki qurum arasında əməkdaşlıq üçün Niyyət Protokolunun imzalanması məsələsi də müzakirə olunub.