Beynəlalq Miqrasiya Təşkilatı Azərbaycan nümayəndəliyinin ABŞ-ın Beynəlxalq İnkişaf Agentliyinin (USAID) maliyyə dəstəyi ilə həyata keçirdiyi ‘Həssas İcmaların Dayanıqlılığının Gücləndirilməsi’ layihəsi çərçivəsində yerli icmaları dəstəkləməyə davam edir. Bu fəaliyyət çərçivəsində Qusar rayonunda yaşayan layihə benefisiarı kartof çıxartma qoşqusu ilə təmin edilmişdir. Bu dəstək kartof yığımında məhsuldarlığın və keyfiyyətin yüksəldilməsinə, eyni zamanda həm benefisiar, həm də icmadakı fermerlərin gəlirlərinin artmasına öz töhfəsini verəcəkdir.

Qeyd edək ki, BMqT-nin Azərbycan nümayəndəliyi 2017-ci ildən etibarən Azərbaycan Respublikası Dini Qurumlarla İş Üzrə Dövlət Komitəsi ilə birgə ‘Həssas İcmaların Dayanıqlılığının Gücləndirilməsi’ layihəsini icra etməkdədir. Layihə ABŞ-ın Beynəlxalq İnkişaf Agentliyi tərəfindən maliyələşdirilir. Layihə həssaslığı ilə seçilən əhali qruplarının sosial-iqtisadi rifahının artırılması məqsədini daşıyır. Layihə çərçivəsində həssas icmalara dəstək məqsədi ilə ilk öncə icmalar tərəfindən müəyyənləşdirilmiş fərdlərə kiçik biznesin inkişafı təlimləri keçilmişdir. Daha sonra təlimlərdə iştirak etmiş icma üzvləri tərəfindən təqdim olunmuş və ekspertlər tərəfindən qiymətləndirmədən sonra seçilmiş uğurlu kiçik biznes planlarına maliyyə dəstəyin göstərilməsi vasitəsi ilə hədəf qruplar arasında özünüməşğulluq imkanlarının artırılması həyata keçirilir.