BMqT-nin Azərbaycan nümayəndəliyinin rəhbəri Vladimir Qyorqiyev martin 16-da keçirilən “İnklüziv, Mütərəqqi və Təkmilləşdirilmiş Miqrasiya İdarəçiliyi üçün 15 illik tərəfdaşlıq” mövzusunda beynəlxalq konfransda miqrasiya orqanları ilə səmərəli əməkdaşlığa görə Azərbaycan Respublikasının medalıyla təltif olundu.

Konfransda çıxışı zamanı Qyorqiyev təmsil etdiyi BMqT-nin Azərbaycanla bir sıra birgə layihələr hazırladığını qeyd etdi.

"Biz Azərbaycanla tərəfdaşlığımızı yüksək qiymətləndiririk. Miqrasiya Xidməti ilə əməkdaşlıq hər il daha da möhkəmlənir", - deyə o bildirib.

O, Azərbaycan Dövlət Miqrasiya Xidmətinin 2022-ci ilin mayında Nyu-Yorkda keçiriləcək Miqrasiya forumunda uğurlu iştirakını arzulayıb.

Tədbirdə çıxış edən Dövlət Miqrasiya Xidmətinin rəisi Vüsal Hüseynov Azərbaycanda miqrasiya idarəçiliyi sahəsində birgə qazanılan uğurları, əldə edilən nailiyyətləri, gələcək perspektivləri diqqətə çatdırıb.

"Məqsədimiz Azərbaycanda yaşayan əcnəbilərin inteqrasiyası üçün təşəbbüslər irəli sürməkdir. Gələcəkdə inteqrasiya mərkəzlərinin yaradılması ilə bağlı müzakirələr aparılır", - deyə Hüseynov vurğulayıb.

BMT-nin Azərbaycandakı rezident əlaqələndiricisi Vladankq Andreyeva Azərbaycanın BMT-nin miqrasiya şəbəkəsinə daxil olmuş ilk ölkələrdən olduğunu dedi.
O, Dövlət Miqrasiya Xidmətinin bu sahəyə töhfəsini xüsusi qeyd etdi.

Andreyeva, həmçinin əlavə etdi ki, bu gün Avropa ictimaiyyəti miqrasiya böhranı ilə qarşılaşır və ölkələr bunun öhdəsindən əlaqəli şəkildə gəlməlidir.

Media Coverage

TREND
RESPUBLIKA
APA
AZERTAC
REPORT
NEWSCENTER
AQREQATOR
SMS