Beynəlxalq Miqrasiya Təşkilatınin Azərbaycandakı nümayəndəliyinin fəaliyyəti haqqında hərtərəfli məlumatın yer aldığı yeni veb saytımızı www.iom.az istifadənizə verməkdən məmnunuq. Veb saytı hazırlamaqda əsas məqsədimiz ziyarətçilərimizə xəbərlərimiz və layihələrimiz haqda öyrənməyin daha asan bir yolunu təqdim etmək və onlara öz seçimləri əsasında məlumatları nəzərdən keçirməsinə imkan verməkdir.

Ziyarətçilərimiz tədbirlərimiz, yeniliklərimiz barədə faydalı məlumatları veb-saytın Xəbərlər (NEWS) bölməsində tapa biləcəklər. Layihələr (PROJECTS) bölməsində həyata keçirdiyimiz layihələr işıqlandırılır və əldə etdiyimiz nəticələr açıqlanır.

Saytımızı ziyarət edənlər yeni nəşrlərimizlə əlaqədar bəzi faydalı məlumatları Nəşrlər (Publications) bölməsində əldə edəcəklər və hətta onların elektron versiyalarını öz məqsədləri üçün istifadə edə bilərlər.

Veb saytın Karyera (CAREERS) və Tenderlər (TENDERS) bölmələrində ziyarətçilər BMqT Azərbaycan nümayəndəliyinin iş yerləri və tenderləri haqda elanları tapa biləcəklər.

Saytın müvafiq bölmələrinin tərkibi mütəmadi olaraq faydalı məlumatlar, məqalələr, xəbərlər, elanlar ilə daim yenilənəcək.
Ümidvarıq ki, yeni saytımız yeni bir görünüşlə zövqünüzü oxşayacaq və bütün ziyarətçilərimiz, donorlarımız və tərəfdaşlarımız (və maraqlanan hər kəsi) üçün faydalı məlumat mənbəyinə çevriləcək.Yeniliklərimizlə həmçinin ünvanları saytda yerləşdirilən sosial media səhifələrimizə daxil olmaqla da tanış ola bilərsiniz.

Hər hansı bir sual, təklif, rəy və ya şərh üçün, www.iom.az saytındakı Bizimlə əlaqə saxla (CONTACT US) bölməsinə daxil olmaqla əlaqə saxlayın.

Sonda yeni saytın hazırlanmasında vaxtını və enerjisini sər etmiş hər bir kəsə təşəkkür edirik.