Beynəlxalq Miqrasiya Təşkilatının Azərbaycandakı nümayəndəliyinin rəhbəri “Diplomatiya Məktəbi” layihəsinin iştirakçıları üçün təlim keçdi
Baku - Yanvarın 25-də Beynəlxalq Miqrasiya Təşkilatının Azərbaycan nümayəndəliyi Dövlət Miqrasiya Xidməti ilə birgə Azərbaycan Respublikasının Gənclər Fondunun maliyyə, “Miqrasiya Könüllüsü” İctimai Birliyinin təşkilati dəstəyi ilə baş tutan “Diplomatiya Məktəbi” layihəsinin iştirakçıları üçün təlim təşkil etdilər.
Təlimi "Diplomatiya və ölkənin inkişafı" mövzusunda Beynəlxalq Miqrasiya Təşkilatının Azərbaycandakı nümayəndəliyinin rəhbəri Vladimir Gjorgjievin apardı.
Təlim müddətində "Diplomatiya nədir?", "Müasir dünyada diplomatik əlaqələrin qurulması", "Diplomatiya elminin qolları" kimi mövzular üzrə müzakirələr aparıldı.
Qeyd edək ki, layihənin keçirilməsinin əsas məqsədi gənclərin diplomatiya ilə bağlı biliklərini genişləndirmək, gələcək karyera planları haqqında məsləhətlər vermək və onların inkişafına dəstək olmaqdır.
"Diplomatiya Məktəbi" layihəsi Azərbaycan Respublikasının Gənclər Fondunun elan etdiyi "İdeyanı reallaşdır 2022" fərdi qrant müsabiqəsinin qalib lahiyələrindən biridir.
Media coverage
