Beynəlxalq Miqrasiya Təşkilatının Azərbaycan nümayəndəliyi ABŞ-ın İnkişaf Agentliyinin maliyyə dəstəyi ilə Əmək və Əhalinin Sosial Müdafiəsi Nazirliyi yanında İnsan Alveri Qurbanlarına Yardım Mərkəzinə insan alverinin mövcud və potensial qurbanlarının xidmətlərdən istifadəsini asanlaşdırmaq üçün Bakıdan kənarda olan icmalara, hakimiyyət orqanlarına və vətəndaş cəmiyyəti üzvlərinə təlim keçmək üçün dəstək verir. Bu məqsədlə İnsan Alveri Qurbanlarına Yardım Mərkəzi BMqT-nin dəstəyi ilə noyabr və dekabr aylarında beş bölgədə (Cəlilabad, Siyəzən, Saatlı, Şəki və İmişli) “Səhiyyə işçiləri üçün insan alveri qurbanları ilə etik davranış qaydaları" mövzusunda dövrü seminarlar təşkil etmişdir.

Sözügedən bölgələrdəki Mərkəzi Xəstəxanaların ümumilikdə 146 (14 kişi və 132 qadın) səhiyyə işçisi seminarlarda iştirak etmişdir. İnsan alveri qurbanlarına qarşı etik davranış qaydaları pozulduğundan, qurbanlara məhəl qoyulmadığından və insan ləyaqətlərini pozan suallar verildiyindən, AQYM tərəfindən zərər çəkmiş şəxslərin sağlamlıq mərkəzlərinə göndərilməsi zamanı məlumatlılığın artırılmasına ehtiyac olduğu müəyyən edildi. Bu seminarlar səhiyyə işçilərinin insan alveri qurbanlarına qarşı etik müalicə təlimatları və qaydaları, məxfiliyin pozulmasına görə hüquqi məsuliyyətin mövcudluğu haqqında məlumatlarını artırmağa xidmət etmişdir.