Beynəlxalq Miqrasiya Təşkilatının Azərbaycan nümayəndəliyinin əməkdaşının da qatıldığı BMT təmsilçilərindən ibarət nümayəndə heyəti Azərbaycanın münaqişədən zərər çəkmiş Bərdə, Ağdam və Tərtər rayonlarına üç günlük səfər ediblər. BMT rəsmiləri baş çəkdikləri rayonların icra hakimiyyəti başçıları və münaqişədən zərər çəkmiş insanlarla görüşüblər. Görüşlər zamanı tərəflər münaqişənin fəsadlarını aradan qaldırmaq məqsədilə BMT-nin həyata keçirdiyi layihələri və cari humanitar ehtiyacları müzakirə ediblər.