Baku - Fevralın 16-da Ağdam rayonunda səfərdə olarn Beynəlxalq Miqrasiya Təşkilatının Azərbaycan nümayəndəliyinin rəhbəri Vladimir Qyorqiyev və Koreya Beynəlxalq Əməkdaşlıq agentliyinin Azərbaycan nümayəndəliyinin direktoru Moon Jong Hyun rayon İcra Hakimiyyətinin başçısı Vaqif Həsənovla görüşmüşlər. Görüş zamanı Ağdam ərazisində bərpası nəzərdə tutulan kəhrizlərdə aparılan işlərin gedişatı müzakirə edildi. Bildirildi ki, “Şəmsi” (Mirəşelli kəndi), “Çinarlı” (Kolqışlaq, Mirəşelli kəndləri), “Heyvalı-1” (Əhmədağalı, Kolqışlaq kəndləri), “Qozlu” (Bənövşələr qəsəbəsi, Kolqışlaq, Əhmədağalı, Çıraqlı kəndləri), “Xanəhməd” (Kolqışlaq kəndi), “Qurdlu”(Kolqışlaq kəndi) kəhrizlərində bərpa işləri yekunlaşaraq istifadəyə verilmiş, “Vəlibəy”(Baharlı, Mirəşelli, Yusifli kəndləri), “Bala Bino” (Səfərli kəndi), “Heyvalı-2” (Əhmədağalı, Kolqışlaq kəndləri), “Göylən” (Baharlı kəndi) kəhrizlərində isə bərpa işləri davam etdirilir.

Görüş zamanı Vaqif Həsənov heç bir enerji sərf edilmədən rayon əhalisinə xidmət edəcək kəhrizləri bərpa etdiklərinə görə BMqT-nin və Koreya Beynəlxalq Əməkdaşlıq agentliyinin Azərbaycan nümayəndəliklərinin rəhbərliyinə rayon ictimaiyyəti adından minnətdarlıq bildirilmişdir. O cümlədən, Ağdam Rayon İcra Hakimiyyətinin başçısı Vaqif Həsənov nümayəndə heyətinə rayon rəhbərliyi tərəfindən gələcəkdə işlərin davam etdirilməsi üçün lazımı dəstəyi göstərəcəyini bildirmişdir.

Vladimir Qyorqiyev Ağdam rayonu ərazisində layihələrin həyata keçirilməsində nümayəndəliyə göstərilən dəstəyə görə Həsənova təşəkkürünü bildirdi.