BMqT və KOICA nümayəndələri kəhrizlərin bərpasının monitorinqini aparmaq üçün Goranboy rayonuna səfər etmişlər
Beynəlxalq Miqrasiya Təşkilatının Azərbaycan nümayəndəliyi hazırda Koreya Beynəlxalq Əməkdaşlıq Agentliyinin (KOICA) maliyyə dəstəyi ilə “Azərbaycanda kəhriz su sistemlərinin bərpası vasitəsilə məcburi köçkünlərin məskunlaşdığı ərazilərdə kənd yerlərinin kompleks inkişafı” layihəsinin icrasını həyata keçirtməkdədir. Bu günlərdə BMqT-nin və KOICA-nın nümayəndələri kəhrizlərin bərpasının monitorinqini aparmaq üçün layihənin həyata keçirildiyi Goranboy rayonuna səfər edərək rayon ərazisində yerləşən kəhrizlərdə görülən işlərlərlə tanış olmuşlar. Onlar həmçinin layihənin benefisiarı olan sakinləri ilə də görüşmüşlər.
Qeyd edək ki, dörd illik layihə 8 rayonda ənənəvi və dayanıqlı su təchizatı sistemi olan 40 kəhrizin bərpası vasitəsilə təxminən 8 mindən çox ailəyə təhlükəsiz və davamlı su təminatı məqsədini daşıyır.
Media Coverage