Beynəlxalq Miqrasiya Təşkilatını Azərbaycan nümayəndəliyi ardıcıl olaraq ikinci ildir ki, Azərbaycan Banklar Assosiasiyası, Azərbaycan Mərkəzi Bankı və MasterCard-ın təşkilatçılığı ilə regionun ən məşhur maliyyə və bank tədbiri olan Beynəlxalq Bankçılıq Forumunda pul köçürmələri mövzusunu müzakirəyə çıxarır.

1-2 noyabr tarixlərində keçirilən 7-ci Beynəlxalq Bankçılıq Forumu çərçivəsində BMqT  Dövlət Miqrasiya Xidmətinin tərəfdalşlığı və BMqT-nin İnkişaf Fondunun maliyyə dəstəyi ilə həyata keçirilən “Azərbaycanda pul köçürmələrinin sosial-iqtisadi faydalarının artırılması” layihəsi çərçivəsində “Pul köçürmələri və miqrantların maliyyə inklüzivliyi” adlı panel müzakirəsi təşkil edib. Panel müzakirəsinin məqsədi Cənub-Şərqi, Şərqi Avropa və Mərkəzi Asiyada miqrantların öz ailələrinə iqtisadi töhfələrinin əhəmiyyətini göstərmək, pul köçürmələrinin sosial-iqtisadi faydalarını işıqlandırmaq, eləcə də özəl sector ilə birgə pul köçürmələrinin faydalarını maksimum dərəcədə artırmaq yollarını araşdırmaq olub.

BMT-nin Azərbaycandakı Rezident Əlaqələndirici Ofisinin iqtisadçısı Hürşid Rüstəmovun moderatorluğu ilə keçirilən panel müzakirəsində miqrantların vətənlərində, xüsusilə aşağı və orta gəlir ölkələrdə olan ailələrinə iqtisadi töhfələrinin, indi həmişəkindən daha vacib olduğu vurğulandı.

BMqT-nin Vyanadakı Regional Ofisinin layihə rəhbəri Maria Bassermann məlumat verdi ki, ötən il Cənub-Şərqi, Şərqi Avropa və Mərkəzi Asiya regionuna daxil olan pul köçürmələrinin ümumi həcmi 72 milyard ABŞ dolları təşkil edib ki, bu da həmin ölkələrin ümumi daxili mehsulunun ortalama 11%-nə bərabərdir. Bundan əlavə, xanım Bassermann qeyd etdi ki, “inkişaf üçün pul köçürmələrinin müsbət təsirini artırmaq üçün diqqəti pul köçürmələrinin göndərilməsində miqrant qərarlarının qəbul edilməsinin təkmilləşdirilməsinə, pul köçürmələrinin göndərilməsi ilə bağlı xərclərin azaldılmasına, miqrantların və pul köçürmələri alanların maliyyə inklüzivliyinin artırılmasına yönəltmək lazımdır”.

Azərbaycan Respublikası Mərkəzi Bankının baş mütəxəssisi Xəyalə Məmmədova miqrantların üzləşdiyi maliyyə inklüzivliyi ilə bağlı problemlərə diqqəti artıran BMqT-nin həyata keçirdiyi layihəni yüksək qiymətləndirib. Onun sözlərinə görə müvafiq sahədə hüquqi və normativ bazanın təkmilləşdirilməsi üzrə tədbirlər planı hazırlanır və Mərkəzi Bankın maliyyə savadlılığının artırılması tədbirləri çərçivəsində miqrantlar üçün maliyyə inklüzivliyi üzrə təlim proqramları təşkil olunacaqdır.

Özəl Sektorun İnkişafı üzrə İslam Korporasiyasının Korporativ Strategiya və Araşdırmalar şöbəsinin rəhbəri Elvin Əfəndi pul köçürmələrinin rəqəmsallaşdırılmasının miqrantların və onların ailələrinin maliyyə inklüzivliyinin artırılmasına verdiyi töhfəni vurğuladı.

SWIFT-in Rusiya, Mərkəzi Asiya və Qafqaz üzrə rəhbəri cənab Matthieu de Heering transsərhəd aşağı dəyərli ödənişlər üzrə regional perspektivi təqdim etdi.

Panel müzakirəsinə qoşulmaqla yanaşı, ziyarətçilər iki gün ərzində Beynəlxalq Miqrasiya Təşkilatının stendində pul köçürmələri və miqrantların maliyyə inklüzivliyi haqqında ətraflı məlumat əldə etmək imkanı əldə etdilər. Ümumilikdə 7-ci Beynəlxalq Bankçılıq Forumunda ABŞ, Türkiyə, Avropa İttifaqı, Müstəqil Dövlətlər Birliyi ölkələrindən, Yaxın Şərq və digər ölkələrdən dövlət qurumları, kommersiya bankları və biznes qurumları, o cümlədən fintech şirkətləri, beynəlxalq maliyyə institutları və qeyri-hökumət təşkilatlarını təmsil edən 1000-dən çox nümayəndə iştirak etmişdir.

BMqT-nin İnkişaf Fondu tərəfindən maliyyələşdirilən layihə pul köçürmələri bazarında iştirak edən bütün tərəfləri Dayanıqlı İnkişaf Məqsədlərinə (DİM), xüsusilə 2030-cu ilə qədər miqrant pul köçürmələrinin haqqını 3%-dən da aşağı salmağa və xərcləri 5 faizdən yuxarı olan pul köçürmələri dəhlizlərini ləğv etməyə çağıran 10.c saylı DİM-ə və Təhlükəsiz, Nizamlı və Qanuni Miqrasiya üzrə Qlobal Saazişin pul köçürmələrinin daha sürətli, daha təhlükəsiz və daha ucuz transferini və miqrantların maliyyə işlərinə cəlb edilməsini təşviq etməyə səsləyən 20 saylı Məqsədə nail olmağa töhfə verə biləcək imkanları və ən yaxşı təcrübələri qəbul edərək onlara əməl etməyə təşviq edir.

7-ci Beynəlxalq Bankçılıq Forumunda BMqT-nin təşkil etdiyi panel müzakirəsindən çəkiliş: IOM organized panel discussion at the 7th International Banking Forum held in Baku - YouTube

Pul köçürmələri və Azərbaycan haqqında əlavə məlumat üçün Beynəlxalq Miqrasiya Təşkilatının “Pandemiyadan sonrakı Azərbaycanda rəqəmsal pul köçürmələri: Təchizat və Tələb Analizi” qiymətləndirmə hesabatına baxın.