Sentyabrın 19-da İnsan Hüquqları üzrə Müvəkkilin ofisində Ombudsman Aparatı ilə BMqT-nin Azərbaycan nümayəndəliyinin təmsilçiləri arasında ikitərəfli əlaqələndirmə görüşü keçirilmişdir.

Görüş zamanı miqrasiya sahəsində təşkilatlar arasında səmərəli əməkdaşlıq əlaqələrinin genişləndirilməsi və birgə fəaliyyət istiqamətlərinin müəyyənləşdirilməsi müzakirə olunub.

Ombudsman Səbinə Əliyeva qeyd edib ki, miqrantlar və onların ailə üzvlərinin hüquqlarının təmini, statuslarının leqallaşdırılması və davamlı inteqrasiyası daim diqqətdə saxlanılır. O bild-irib ki, bu şəxslərin təhsil, əmək, pensiya təminatı, sağlamlığın qorunması və digər hüquqlarının səmərəli müdafiəsi, onlara yönəlmiş sosial dəstəyin gücləndirilməsi məqsədilə görülmüş təd-birlər nəticəsində bir çox məsələlər öz həllini tapıb.
BMqT-nin Azərbaycandakı nümayəndəliyinin rəhbəri Vladimir Qyorqiyev insan hüquqlarının müdafiəsi, qeyri-qanuni miqrasiya ilə mübarizə və insan alverinin qarşısının alınması sahəsində birgə səylərin əlaqələndirilməsinin vacibliyini qeyd edib.

Görüşdə həmçinin miqrantların hüquqlarının müdafiəsi sahəsində sosial çarxların, bukletlərin hazırlanması və digər birgə fəaliyyət istiqamətləri haqqında razılığa gəlinib. Eyni zamanda, miqrantların hüquqlarının milli və beynəlxalq hüquq normalarına uyğun təmini ilə bağlı həm paytaxtda, həm də regionlarda interaktiv görüşlərin keçirilməsi, təlimlərin təşkili, eləcə də qarşılıqlı maraq doğuran digər məsələlər ətrafında müzakirə aparılıb.