BMT-nin Dayanıqlı İnkişaf Məqsədləri Düşərgəsinin 2-ci günü gənclər Beynəlxalq Miqrasiya Təşkilatının Azərbaycan nümayəndəliyinin icra etdiyi və ənənəvi su təchizatı sitemi olan kəhrizlərin bərpasını məcburi köçkünlərin dəstəklənməsini nəzərdə tutan layihə ilə tanış olmaq imkanı qazandılar.

16 avqust tarixində, BMTDİMDüşərgəsinin 2-ci günü BMqT-nin Azərbaycandakı nümayəndəsi gənclərlə görüşdə iştirak etmişdir.

Nümayəndəliyin Media və Kommunikasiya üzrə əməkdaşı İlqar Xudiyev gənclərə BMqT-nin ölkədəki fəaliyyəti və tərəfdaşlarla birgə həyata keçirdiyi layihələri barədə məlumat verdi.

Koreya Beynəlxalq Əməkdaşlıq Agentliyinin (KOICA) maliyyələşdirdiyi “Azərbaycanda kəhriz su sistemlərinin bərpası vasitəsilə məcburi köçkünlərin məskunlaşdığı ərazilərdə kənd yerlərinin kompleks inkişafı” layihəsinin mühəndisi Arzu Musayev də öz növbəsində BMqT-nin yerli icmalar üçün həyata keçirdiyi layihənin əhəmiyyəti, o cümlədən Azərbaycanda ekoloji cəhətdən təmiz və dayanıqlı su təchizatı sistemlərinin bərpasında kəhrizlərin rolu barədə təqdimatla çıxış etdi.

Tədbir BMT-Azərbaycan tərəfdaşlığının 30 illiyinə həsr olunmuş “BMT-Azərbaycan 30” həftəsi çərçivəsində keçirilib. 15-19 avqust tarixləri aralığını əhatə edən həftə ərzində BMT-nin Azərbaycanda fəaliyyət göstərən agentlikləri öz qurumlarının fəaliyyəti və Dayanıqlı İnkişaf Məqsədlərinə nail olunması işinə gənclərin cəlb edilməsi imkanlarını müzakirə etmək üçün düşərgədə gənclərlə görüşlər keçirir.