Oktyabrın 24-də BMqT-nin Cənub-Şərqi Avropa və Mərkəzi Asiya ölkələri üzrə Vyanadakı regional ofisinin direktoru Szabados Argentina, təşkilatın Azərbaycandakı Nümayəndəliyinin rəhbəri Vladimir Qyorqiyev Dövlət Sərhəd Xidmətinin rəisi, eneral-polkovnik Elçin Quliyevlə görüşüblər.

Qonaqları salamlayan Xidmət rəisi Dövlət Sərhəd Xidmətinin fəaliyyətində tətbiq olunan yeniliklər və həyata keçirilən layihələr, eləcə də DSX-nin əsas tərəfdaşlarından olan Beynəlxalq Miqrasiya Təşkilatı ilə mövcud faydalı əməkdaşlıqdan bəhs edib. Bildirib ki, DSX və BMqT arasında birgə əməkdaşlıq əlaqələri çərçivəsində bir çox mühüm əhəmiyyətli layihələr həyata keçirilir.
BMqT-nin regional direktoru xanım Argentina Sabadoş DSX ilə BMqT arasında əlaqələri yüksək qiymətləndirib. Birgə əməkdaşlığın bundan sonra da uğurla davam etdiriləcəyinə əminliyini ifadə edib.

Görüşdə, həmçinin mövcud əməkdaşlıq, eləcə də perspektivdə duran məsələlər ərtafında fikir mübadiləsi aparılıb.